miércoles, 26 de diciembre de 2007

Ca Nino (Tueru-Villaviciosa)



Munchos de vosotros conoceis esti sitiu y por eso me pidisteis qu'haber si lu metia nel blog. Pues bien, equi va pa los que nun lu conozcais. El Chigre ta pa Argüeru, pero casi que ya metiu na parte d'Oles, mas o menos podeis llegar siguiendo la "copa cava", esa que se ve cuando vos meteis pa Argüeru (que nun ye mas que'l depositu de l'agua). Entrugais perlli si nun lu alcontrais a la primera. El sitiu tien dos partes, la de chigre de tola vida y la de restaurante pa la parte d'atras que ye bastante afayaizu. Tien tamien una terracina con dos meses que da pal xardin, pal branu ta perbien. Esto ye familiar familiar, collacios, ensin priesa, que como vayas con ella mal vais. Atiendevos el paisanu y cocina la muyer. Los pexes tan perbonos, munchos pescalos el, cocinaos de forma tradicional. Yo personalmente vos recomiendo les llampares (que les preparen perbien) y'l bonitu'n tomate, anque preparen tamien mui bones furagañes al llombu. Les raciones son abundantes y los precios irrisorios (la cabera vegada por una botella de sidre, una ensala y una racion de bonitu'n tomate que comimos dos sobraos, nun llego a 20€...los dos). Vamos, por aclamacion popular lu xubo a la paxina nun se como se me puo escaecer esti. Por ciertu, se qu'agora tien dalgo de turismu rural, espero que nun tea que xubir munchu los precios pa pagalo!!.



08/06/08 Pues siguiendo con esti post, volvi güei dempues de un tiempu ensin venir y sigui siendo un gran sitiu. Como xintamos!! les llampares como siempre, y dempues yo xinte un tiñosu en salsina de tomate y pimientos que taba pa rellambese y pola otra banda un soyu a la parrilla (les semeyes) impresionante la calida y'l preciu sigui siendo'l mesmu, alredor de los 28€ persona con un Palaciu de Bornos 2007 de compaña. Sobresaliente pa Ca Nino, que teo que dicir que ta'n Tueru y nun n'Argüeru (ye que los llindes perqui son complicaos!!).

3 comentarios:

Hugo L. García dijo...

Oi, llegué al to blog al traviés d'Asturies.com y quería animate a siguir con ello y, si te paez, a da-y publicidá más alló de los tos collacios, porque la verdá ye que ye de les coses más interesantes que vi na blogosfera n'asturianu!

Un saludu dende l'oriente

Fartones dijo...

Gracies Hugo pol to sofitu. Lo de la publicida nun ye una cosa na que te pensando. Hai timepu un grupu persones (yo a ello nun los conocia de na) montaron una paxina que taba perbien (fartones.com) y tuvieron de pesllala porque hubo xente a la que nun-yos gustaron les critiques y los amenazaron col xulgau. Que quies fiu! falando bien nun hai problema, pero nel momentu que fais una critica mala... nun teo ganes de xareos qu'estes coses son pa entretenese...Amas, agora teo tema, pero'n breve esto dira mas llento porque nun se pue dir a tantos sitios colos sueldos qu'hai!! gracies pol sofitu de nuevu. Un saludu

Berto dijo...

Ya sé onde voi comer cuando pase pela Villa
Prestame que la xente que tien negocios se comprometa col asturianu, voi recomendalu a tolos collacios.

Un saludu dende Uviéu