viernes, 21 de marzo de 2008

Ca Zoilo (Muros)


Facia bien d'años que nun diba a esti sitiu. Dafechu, en llegando elli unvie un par de SMS a los dos collacios colo que fuera nel so momentu, que fallu!!. Digo que fallu, porque si bien nel so momentu xintamos de viciu, güei voi bloguealu pa ponelos pingando. Atraidu poles xornaes del pixin pa ya que nos fuimos. Que desastre de comida!!. En fin, de pringaos ta'l mundiu enllenu y la xente que tien de pagar les ampliaciones de los llocales tien que facelo asina. Nin pa dar a los gochos taba la comida, y con un preciu adecuau si lo que xintes ye decente, convirtiose nel clavu de Cristo (debe ser polo de la Selmana Santa). Pa entamar unes apetecibles fabes con setes y pixin que vamos, yera lo unico que podia xintae mas o menos, eso si, el pixin de les fabes podiemos metelu a trozos n'un garbaceru y entretenenos como cuando yeremos guah.es, pero ensin arroz. L'otru primeru fue'l repollu rellenu de pixin..¿de pixin? entovia toi a la gueta del pixin. Lo que tenia yera un bechamel que bien pudieron dicinos que yera de xamon, de bocartes o de lo que yos-diera pola gana (la semeya ye de cuando llego'l repollu, que tenia bona pinta). Ehi nun fina'l desastre, los segundos intragables, los pimientos de pixin llevaben la mesma bechamel que los repollos, asina qu'apuesto a que les crocretes de pixin tamien. El pixin allangostao nun pasaba del suspensu, como too, madre mia si lu tastien en Ca Puyo en Trubia (coño, tengo de volver elli, agora que m'alcuerdo), muerren. Los postres llibraron porque pidimos quesu (escarmentaos habia que tomar dalgo que nun ficieren ellos). Lo meyor escoyio de la comida el Martinez Lacuesta xoven (que nun ye mui alla, pero dau'l nivel de too... y esto tampoco lo fabricaben ellos). Por non convidar, nun convidaron nin al cafe, asina que 30€persona, con esta calida, ye un autenticu clavazu!!. En fin, esto ye lo que nun tien que facer el que amplia'l negociu, baxar calida. Nun vayais nin por encargu, vamos.

miércoles, 19 de marzo de 2008

La Escollera (L'Arena-Sotu'l Barcu)

Tuve una tempora que diba abondo per esti pueblin, sobre too polo cerquina que ta del aeropuertu. Pues n'esti pueblin hai un par de restaurante afamaos (el Sibarita ye un d'ellos) que tovia nun prebe, pero ye que, nun se, cunado vas a un sitiu al que nun vas de normal y t'alcuentres bien n'un chigre, paez que nun te apetez cambiar. La Escollera ye'l tipicu chigre al pie del puertu L'Arena qu'amas tien un comedorin ampliu. Sitiu afayaizu y nun se porque, porque nin tien una decoracion asina como que te preste, nin na especial, pero transmite bones sensaciones. A ver si agora que teo un collaciu que tien una casina perlli m'arimo de nuevu equi o prebo'l Sibarita. N'esti chigre lo tipico ye dir a pescau, voi aconseyavos tomar la furagaña del pinchu al llombu, espectacular, evidentemente denguna furagaña pue comparase cola del Horru d'Antromeru, pero esta ta perbona. Amas, bonos chipirones afogaos, calamares y tolo que se pue alcontrar n'un chigre pa picar, ah!! y bones raciones y riques de sardines. Sidra abondo y a disfrutar del sitiu. En branu ponen una terracina al otru llau de la cai que presta porque tas mirando la mar, eso si, en branu, con paciencia collacios, porque se pasen de tiempu d'espera, ya sabeis, el chigre nun crez en personal, pero'l numberu de meses y de xenta pa xintar dobla, asina que nun ye raro tar esperando una hora pa que te llegue la comida, lo cual, nun ye na prestoso. Raro que paseis de los 20-25 €/persona, teniendo'n cuenta que les raciones son tamien de paisanu y la calida que tienen ye un preciu mas que xustu. Venga, si venis de viaxe en fin de selmana (n'iviernu meyor) nun lo penseis, enantes de dir pa casa a comer equi.

Ca Poli (Puertes de Vidiagu-Llanes)

Esto de la primavera debe tar tornandome a vagu que nun escribo na. La segunda entra del mes va pa Ca Poli. Ye un sitiu perafyaizu que ta'n Puertes de Vidiagu a la vera la nacional esa que nun termina de volvese autopista. El sitiu ye una tipica quintana de piedra asturiana con un monton de comedores y sitios onde xintar, tanto dientro como nel patiu interior que tien (si nun llueve muncho, tase abondo atechau). A lo que nos importa, hai que prebar los tortos con picadiellu y güevos (perbonos, nun lleguen al nivel de Ca Jamino eso nunca :-) ), el sollombu esquisitu y los fritos de pixin tamien tan per bonos y les raciones son grandes. La carta de vinos ye abondo prestosa. Hai que tener vista pa dir, o vais en dies llaborables o como vayais en fiestes, pontes y demas ocasiones y con priesa vos veo xintando nel qu'hai al otru llau de la caleya (el cual nun val nin pa tomar...tais avisaos, que ya me paso). El casu, que yo sepa nun acuten sitiu, si non teneis priesa podeis ponevos guapos a sidre esperando porque vamos, menos d'hora y media d'espera nun vos quita naide. En cualisquier casu, un sitiu mui prestosu pa xintar como un campeon y amas ye dificil que paseis de 25-30€ persona. Hala, en breve otra entra

sábado, 8 de marzo de 2008

El Molin de la Pedrera (Cangues-Cangues d'Onis)


Como ya ta bien de tener el blogue escaeciu, nu ye asina, pero claro, cada vegada queden menos sitios que contar :-), voi entamar marzu con una entra que me presta asgaya. Bono, nos caberos tiempos dame por voltiar pel oriente, asina que n'un voltiu d'estos arimamosnos hasta Cangues, que ya sabeis que ye un pueblin prestosu, y bono, anque nun teniemos referencies, fuimos xintar al Molin esti, a la vera'l riu Güeña. Pues bien, el sitiu ta fenomenal puestu, amestando un ambiente tradicional con toques modernos, ye un d'esos sitios nos que tas afayizu namas llegar. Amas d'esto xintase perbien y tienen un comedor pa non fumadores nel que los guah.es puen tar bien agustu. Pa entamar escoyimos un cruxente d'ablanes con quesu cabrales que taba como pa llamber el platu (lo de la semeya), la verda que yera un entrante perorixinal. Dempues una ensaladina de bacallau afumao que tabe per bona y pa finar una furagañina del pinchu al llombu, que taba esquisita, un plizcu sosa, pero eso tien facil arreglu. Pa beber, un Terras Gauda 2007, bien fresquin y de postre un par de Pedro Ximenez. Alredor de 42€ persona ye un preciu que pue pagase pa un sitiu asina. Hala!! ya teneis un sitiu mas.