miércoles, 30 de abril de 2008

L'Albar (Mieres)

Pues fice bien en fiame de les recomendaciones y llevar xente a esti llugarin de Mieres. En plenu centru de la Villa (na plaza de la Casa'l Conceyu) ta esti prestosu restaurante de nome asturianu (nun-y lu torne yo esta vegada). Ta montau n'una casina toa de piedra y bien puesta con motivos tradicionales que-y da un ai perguapu. Dixebrao en varios comedores, yo xinte nel del bar (que ye'l de fumadores) pero hai mas. Esti, en particular, tien un ai "retro" cola barra en curva y de verda que'l sitiu prestome y que ye mui afayaizu. Pero, vamos a lo importante, si me presto tamien ye porque se xinta de muerte, o non?, pues si, pa que nos vamos engañar. De detallin de la casa punxieronnos 2 de pate de tiñosu (ricu, facia tiempu que nun-y daba yo a un pate d'estos tan rico), siguimos col nuestru entamu que foi xamon con quesu frescu y aceitin d'oliva por riba (tamien mui rico). A mi diome pol sollombu de xata en salsa d'Oporto y un tacu fua por riba. Esquisitu, la compaña ficimosla con la señora Matarromera crianza 2004 que taba pa rellambese de bona y, güei pue dicilo, el postre de la casa nun ye que lu pidieremos, ye que nos punxieron un surtiu variao de postres (tartes, xelau, tartaletes...) la pena que nun soi llambion, pero poles cares de los demas y lo que quedo nel platu, teniendo en cuenta que los platos anteriores son pa paisanos de tamañu, pues dame que taben bonos. Y, lo meyor, 30€ persona, francamente relacion calida/preciu mas que bona. Ya vos digo, sitiu afayaizu onde los haya y polo visto, tien perbona fama el menu del dia, asina que si tais de trabayu per Mieres podeis escoyer ente un bon menu y una carta. Por ciertu la de vinos mui completina, si, da gusutu vela, eso ye raro. Besinos pa toos, que güei toi cariñosu :-)

domingo, 27 de abril de 2008

El Molin de Mingo(Les Canaliegues-Cangues d'Onis)



Ya y-tenia ganes al sitiu, un de los conocios de la zona oriental dende hai munchoa años. Lo que pasa que dexo de ser el tipicu chigrin onde se xinta perbien, pa ser dalgo mas. Vamos, que sigue xintandose perbien, mas qu'aconseyable, pero agora nun solo ye un chigre, sinon que ye un complexu de turismu rural. Y rural ye, pongo Les Canaliegues como referencia anque esto entovia ta mas lloñe. Bono, hai que dir pela nacional vieya y en llegando a Margolles dir pa Peruyes y siguir...siguir, tranquilos llegareis. El sitiu nel que ta ye perguapu, un valle soleyeru a la ver un riu (claro, yer un molin..). El dia acompaño, asina que xintamos fuera. D'entamu de la casa convidaronnos a una crema de Gamoneu (taba rica), y nosostros pidimos pa compartir una tabla de tortos. Los tortos son de tamañu piquiñucu, con diferentes coses per riba (un con morciella, otru con chorizu, otru con quesu, otru con güevos y xamon), vamos pa rellambese. Raciones tamañu paisanu, aviso, porque nosotros dempues nun compartimos el segundu y claro, vaya fartura. Pitu caleya de los que alcuentres pocos, bien preparau, xugosin y prietin y sabrosu. Los papos tamien taben mui ricos, pero ya la fartura impidio disfrutalos al masimu. Ah! la carta tien dos platos pa entamar (crocretes y tortos) y los segundos son toos de carne (digolo por los de los pexes, esti nun ye'l sitiu). Sidre de Trabanco y 30€ por persona (lo de siempre, nun prebe los postres). Sitiu pa perdese nun buen dia y si teneis neños van pasalo perbien, perlli tienen un burru, corios, pitos...(claro ves los pitos sueltos y nun vas xintar otra cosa..). Pasailo bien collacios!!

viernes, 18 de abril de 2008

El Sibarita (L'Arena-Sotu'l Barcu)


Sabia yo que diba dir per L'Arena mas vegaes de les que diba dende que teo un collaciu qu'anda perlli. El Sibarita ye un clasicu de la zona y facia bien d'años que nun diba y mira, prestome asgaya. Ente compartir un xinta con unos amigos, que ye lo mas prestoso, si la comida ye bona, presta'l doble. El chigre tien un comedorin grande, pero cola de xente qu'hai nun se te fai friu. Si te toca pal final prestate mas porque tas mirando pala ria poles ventanines amplies que tien. Amas de too esto, a lo que vamos, como ye que se xinta? pues perbien, podia ser d'otra manera, que los chigres cambien, pero non, esti mantien el tipu. Xintamos el menu de fin de selmana que de primer tiene arroz con bugre (la semeyuca fala por si sola, 6 raciones que sobraron claro). L'arroz perbien preparau con tastu a mariscu (ente'l bugre, los muxones y les cigales faciendolu bien, tien que notase), l'arroz taba nel so puntu, nin caldosu, nin secu, como me presta a mi y cocinau tamien con un pucuñin de pimientu. De segundu yo tire pol bacallau, tamien mui rico, nel so puntu, a mi prestmae con otru tipu de pistu, menos pasau pol chinu, pero mui rico. Frixuelin con chocolate y Terras Gaudas de compaña. 30 € persona. Hala!! a disfrutalo colos collacios. Por ciertu, anque se fume, notase qu'agora cada vega fuma menos xente, nel comedor solo un taba n'ello, asina que nin fumu, nin na, en principiu ensin problemes pa lleval a lo neños.

martes, 8 de abril de 2008

El Pescador (Tolombreru de Riba-Cuideiru)

Pues non, nun me equivoque, queria falar del otru Pescador y equi va'l chigre. Percurioso, tando como ta'l panorama en Cuideiru esti ye un de los sitios nos que podeis xintar tranquilamente ensin mieu a que vos claven o comer de pena, a ver si nun s'estropia. De momentu paez que llibra, tien de ser porque nun ta'n Cuideiru pueblu, digo yo. El Pescador ye un hotelin (como'l de Tazones...en fin) del que nun teo'l gustu de conocer les habitaciones, pero lo qu'interesa ye que'l comedor ye afayaizu, con unos arcos de ladrillu interesantes y si vos toca cerquina de les ventanes, pues meyor. Ye bastante grande y lo que pues xintar, que ye? coño, pues pescao!! que pa eso tamos en Cuideiru, vos dais un homenaxe a base de bon pesacu de la zona, la vegada que fui di-y a la chopa'l llombu con un bon vinin blancu y saldreis a unos 25-30 € por tiesta, que nun ye na pa lo bien que se xinta. En fin, acordaivos qu'en Cuideiru hai dos sitios esti y'l de la Concha Arteu. Oye, si hai mas que lo comenten, pero ye que dame a mi que nun munchos mas. A ver si remonto'l vuelu colo de los chigres y me pongo les piles col blogue. Venga, ta mañana!!