domingo, 11 de enero de 2009

Fitumar (Playa La Espasa-El Visu-Caravia)



Dempues de les ñevaes que lleven cayendo dende'l dia de Reis, ayeri y güei tuvieron bien prestosos col cielu escamplau y'l solin caldiando'l dia, asina que, ¿por que non dir a la Playa a ver les foles y disfrutar d'una xinta?, pues eso fiximos. Allegamosnos hasta La Espasa onde hai un chigrin en primera llinea de playa qu'en branu ta hasta los estadoños, pero que supusimos que n'iviernu nun sedria pa tanto, y del que nos falaren abondo bien. El chigre ye eso, un chigre llimpin con dos partes, la de sidreria en primera llinea y la de restaurante un plizcu pa tras. Si quereis ver la mar lo mesmo da, porque'l restaurante ta un par de "escalones" per riba de la sidreria y vese perfeutamente. Queriemos picar dalgo, pero na sidreria taba enllena xente asina que pasamos al restaurante y, nun se, sedria que ver los mantelos de verda llamonos picar dalgo mas que calamares y punximonos a ello. Pa compartir pidimos unes amasuelines a la plancha, mui riques, fresquines, de tamañu mediu (tirando a piquiñines, pero ensin ser raquitiques), bon puntu sal y racion abondo abundante (semeya un). Dempues de ponenos como'l quicu, entafarranos les manes y da-y a prebar una amasuela a la neña (que van y y-gusten...¿a quien saldria?) pasamos al pexe. Tamien lu queriemos pa compartir y resulta que tenien un tiñosu de racion y media y eso fue lo que xintamos, un tiñosu al llombu. Llamonos l'atencion que fuera al llombu, normalmente esti pexe suelen ponetelu al fornu o la cazuela, pero alla que nos punximos a da-y vidilla. La verda que fresquin y muy ricu, bien de puntu (a esti, como al pixin hai que da-yos un buen puntu pa que nun queden "gomosos"). Unes pataquines a la panadera per baxo y una salsina que taba pa rellambese col so aceitin y llimonin de siempre. Taba un plizcu pasau d'ayu, pero'l tastu que dexo fue'l xustu pal platu y, si nun quies comelos, con apartalos a un llau del platu, santes pascues. Les raciones podien colar como dos, pero tuvieron el bon detalle de cobranos la 1 y media pa lo que nos dixeren que daba y eso, que ensin conocenos, pudieronnoslo cobrar ensin problemes. Ya nun pudimos aguantar mas a la fartonina na trona, asina que nun tomamos el cafe y marchamos a dar un pasein pela playina d'Espasa, que bien que prestaba facelo güei. Ah! la cuenta nun llego a los 20€/persona (bona calida/preciu) con una botellina de sidre de Buznego, que por ciertu, nun taba mal, pero creo que nos chigres deberien renovase y ponenos una carta de sidres, eso de que solo puedas escoyer ente una o dos marques (o nin eso, como güei) paezme del Neoliticu. Bono, ya tenies un chigrin nel que xintar ensin pretensiones y nel que vi pasar munchos "potes", "fabades" y carne asina que'l que vaya y nun xinte pexes tien otres opciones, a nos prestonos lo que xintamos.

24 comentarios:

Antonio Lopez dijo...

pues a mi paezme un sitiu perprestosu por lo que entailas.
amasueles pa 3 ;-) y'l tiñosu a esi preciu paezme mui bien.
esti ye de los de dir
oxala tuvieran mas sidres nos chigres, dientro pocu van tener otra polo menos, la isidra pa coyer i-mangades jajajjaa

Fartones dijo...

h.e h.e!! La verda ye que los pexes teinen perbon preciu y amas tenien dempues un apartau con dos pexes que ponia de "criaderu", vamos, qu'el tiñosu taba rico y valia 14,5€ la racion o asina, pero si la furagaña yera xabaz, el preciu yera de 17,5€...a mim paeciome un sitiu interesante.

Antonio Lopez dijo...

entiendo qu'el tiñosu yera xabaz???
a mi dame mui bon rollu el sitiu :-)
mui prestosu

Concha dijo...

Toy viendu que fuieste al Tataguyo y nun fuieste al Carreño. Ties que probalu; La Tata ye mas porque suena, pero prueba los callos del Carreño o la carnona de La Posada y vveras que la Tata nun ye el meyor de Aviles

Fartones dijo...

Antonio
Pues si, pero paez que merquen na rula de Llastres. Si lo pienses, el tiñosu anda, como munchu a 8/K en rula al entamar la sesion y ultimamente tolos pexes van pa baxo. De criaderu tenien el rodaballu y la Dorada

Lolo's Tita
Aviles teolo perescaeciu, La Posada conozcola y prestome, pero hai unos 4 años que nun paso perlli, ta bien que pongas sitios por si un dia cain!...ah!! y pasate perqui cuando quieras.

Tony dijo...

El sitio parece una maravilla, y los precios populares, ya que por debajo de 20 euros persona pocos sitios van quedando ...

Fartones dijo...

Ye un chigrin presotsu, los precios son populares, pero ye que eso tenia que ser norma, nun tamos falando de xintar n'un restaurante de postin, ta onde ta y ye lo que ye, y ellos sabenlo, a mi gustome. Eso si, nun tomamos cafe, nin postre que supongo pondria la cuenta n'unos 25 :-)
Por ciertu, pasaes les Ñavidaes, ¿camudaste el gorru de Santa Claus pola barriga de Hommer? h.e, h.e ;-)

Tony dijo...

Pues sí amigo mio. Estoy a dieta forzosa y voy a procurar respetarla lo máximo posible a ver si llego al peso ideal (según mi médico) ...

... y despues a intentar mantenerse !

Anónimo dijo...

Con les dos semeyes que publiques, y encima al borde de una playa, esti sitiu tengo que visitalu.
Tien una pinta perbona.

Fartones dijo...

Manu
pues vete n'iviernu o acuta en branu, nosotros intentemos dir el branu pasau ensin acutar y imposible, pero ye un chigre prestosu, merez la pena. Nun m'alcuerdo si comente una cosa curiosa, bono, na sidreria nun dexen fumar pero nel comedor si, pero cuando tuvimos nosotros nun taba fumando naide

Antonio Lopez dijo...

esti va presta-y al mio pa, voi cunta-y-lo a ver si s'estira y escota una farturuca elli jeje

Fartones dijo...

eso, a tirar de pa, que tamos en crisis h.e, h.e :-)

Fartones dijo...

Tony
solo quita les pataques y'l pan, seguru qu'asina baxes un poco, pero nun hai que perder el vezu de dir a xintar!! :-)

Tony dijo...

Joder Fartones, casi nada !!

Me quieres quitar lo mejor de la mesa para mí !!!

Fartones dijo...

h.a h.a!! sobre too les pataques!! vaya putada nos fain con eso!! :-)

Antonio Lopez dijo...

tony
hai un inventu pa facer pataquinas frites en sin aceite casi, una cucharadina, ye la actifry de tefal, 200 eur, pero fae unes pataques mui decentucas (yo tengola)

Anónimo dijo...

Non vuelvo a leer nada! Entrame una fame y unes ganes de dir a conocelos toos que non puedo con elles...

Fartones dijo...

home Candasu, cuantu tiempu!!. Esta vegada voi date la razon, toos, lo que se diz toos, nun se puen prebar, o eso o ponemos los nuesos butiellos al estudiu de la ciencia si lo facemos!! :-)

Paisano dijo...

Me acerqué hace unos días a comer hasta aquí y cual fue mi sorpresa al decirnos el camarero que no servían comidas en la terraza, que tenía que ser dentro. A todo esto la terraza vacía...
En fin, con las mismas que llegamos nos fuimos y no volveremos.

Fartones dijo...

Paisanu
vamos que quitaronsevos les ganes de xintar. Cosa d'ellos, nosotros fuimos n'iviernu y nun apetecia xintar fuera, eso si, en branu paez que presta mas facelo fuera, pero si la terraza solo la quieren pa bar, ye cosa d'ellos, en fin, ta bien sabelo, la prosima que vaya n'iviernu tamien pa nun pasar ganes :-)

Paisano dijo...

Efectivamente.
Lo entendería si fuera la 1 y estuviese lleno de gente tomando el vermú, pero eran las 3 y no había nadie en la terraza.
En mi caso, no habrá próxima...

Fartones dijo...

Paisanu
tenia razon un amigu mio cuando dicia que los hosteleros taben toos alloriaos. Per otru llau, n'estos blogues damos idegues, naide pretende que los mesmos sitios presten a tou'l mundiu, nin munchu menos. Tabemoslo comentandolo nel blogue del Dile d'una chavalina que salio fatal del Capricho (sitiu que nun conozco y qu'a tou Dios y-gusta), en fin, mala suerte a ver si otru que lleas perqui prestate mas :-)

Paisano dijo...

Muchos de los que lei por este y otros blogs (Dile,Sibarita,...)me prestaron mucho: La Zapica, por poner un ejemplo. Y otros que ya conocía y en los que coincido con vosotros plenamente.

A seguir así.

Fartones dijo...

Paisano
Eso ta bien, qu'atopes sitios que te presten perqui :-)