jueves, 2 de agosto de 2012

La Cabaña (La Providencia - Xixon)

Ya que parez que vamos entrando en branu n'Asturies, voi espublizar un sitiu ideal pa dir colos guah.es y que, sobre too, val pa completar un dia de playa o pa esos dies nos que de playa nun ta munchu, pero que tan bonos pa dar una vueltiquina. La Cabaña ye un chigre prestosu que ta nel Camin de La Ñora, asina que de pasu que vas pa elli, eches-y una güeyadina. Tien varies zones, tipu bar chill-out, pero a lo asturianu. La zona chigre de tola vida, la zona de comedor pa tras, la zona de la terraza (semeya un) y la zona de merenderu (dende yo fixe la semeya). Nel merenderu nun t'atienden asina que ties que pedir en barra y tar atentu a la voz (Ivaaaaaaan, la comanda!!!) y ponete tu el mantel y los cubiertos, nel restu serviciu atendiu como'n delles gasolineres. Amas de too esto, pues xintar y dexar a los neños xugar, refocicase y demas coses que fain ellos porque tienen una zona de culumpios y toboganes nel prau, na de mariconaes (con perdon) de suelos d'esos de goma que valen que ponen agora, ¡que deprendan a ser paisanos y muyeres de pro!. Por ciertu, nel merenderu ta enllenu d'arbolinos frutales y depende como seyan los guah.es nun van parar de xubise a les meses a pañar nisos (y danse-yos bien, tan hasta riba d'ellos).
Pero'l chigre nun taria n'esti blogue si non fuera porque amas xintase bien y permitete esfrutar (nun ye un gran cucine d'esos, pero val) d'una bona xinta familiar a bon preciu (dependiendo de lo que pidas entre 15 y 18€ por cabeza) A destacar, les zamburiñes que les preparen perbien con una salsina xusta d'aceitin y sal (semaya tres) y la sorpresa de la cazuela de pulpu amariscau con pataquines panadera perbaxu, que ye abundante pa 2 y que yo diria que val pa 4 ensin forzar. Pulpu y gambines cocinaes en cazuela de barru. Un platu contundente.
De palu sidre tienen Trabanco, nun ye que m'emocione pero tienenlu rico. Espero que lu esfruteis, yo tranco pa folgar un mesucu, que ya tocaba!

6 comentarios:

Unknown dijo...

Te gusta más a ti esto del "plan prau" que los nisos a los críos, que te conozco :-)) No es lo mío pero reconozco que de vez en cuando relaja. Y el tema del precio pesa y pesará más. Tengo pendiente darle alguna vuelta en la cabeza a lo de los merenderos y escribir algo, veremos.
Pasadlo muy bien y descansad, que falta hace.

Fartones dijo...

Home Jorge!! nun taba pensando'n ti (ya lo siento) al facer esta entrada :-). Hai muncha xente con neños y'l branu ya ta equi, asina que paeciome un post interesante palos que nos presta xintar bien y que los guah.es te dexen un poco d'espaciu dempues pa charrar y tar tranquilos :-)
Eso si, nun te quito la razon sobre que prestame mas a mi tar tirau nel prau con una botellina sidre que a los mio fios tar pañando nisos y xubiendo nos culumpios!!! h.e, h.e h.e!!

Unknown dijo...

Disti nel centru! Taba pensando n'ónde llevar a les mis fíes a comer en Xixón y enriba van poder tar llibres cuando s'aburran.Vamos probar seguru y ya te voi cuntar.

Antonio Lopez dijo...

Este no lo conozco.
Yo soy un fiel consumidor de sitios de este tipo.
Este parece que en cuanto a cocina esta un puntin por arriba.
Yo últimamente voy mucho al llagar de Titi, tienen allí una carpa pa guajes flipante.
La comida como e todos estos sitios, el colesterol a la parrilla que suelo pedir esta siempre cojonudo jeje.
Y la sidre, como si meten dinamita, tando los guajes panchos y tu tranquilin, todo sabe a gloria!!!!

Fartones dijo...

Lolo, yo diba munchu a Titi (y almiten tiques) pero en fines de selmana masificose munchu de guah.es pero tamien tien bona cocina.
José Antonio, espero que Lu esfrutes, para eso nun tien que llover xq una ventaxa del Titi, que nun d'esti, ye que tienen los xuegos atechaos

Anónimo dijo...

Esta muy bien conocer lugares para ir con los guajes ahora en verano, y si tienen algún plato que se salga de lo tradicional, mejor.
En verano el prau, para el resto del año, las zonas de caucho con colores.

Jess