miércoles, 26 de febrero de 2014

O 42 (Santiago de Compostela - A Coruña - Galiza)


Sábadu lluviosu en Santiago (¿acasu hailos d'otra manera en febreru?), y anque nun yera'l mas propiciu pa perdese peles cais d'esta ciudá afayaiza, fuimos faciéndolo ensin priesa con esa tranquilidá que tresmite la piedra vieya y la falta de peregrinos, pa que voi mentir. Paseo escucador, como quien diz, con parades pal vermutín del meudía hasta que llegó la fame.

Nun yera la nuestra intención xintar fuerte, sólo picar delles coses ya que'l finde de regalu de Reis venía con un acute n'un bon chigre nos decíen, asina que O 42 foi una parada téunica en metá de la Rua de Franco, la típica que fais porque yera la que mas xente tenía y amás de tres o cuatro alredor tamién tenía tiques y pienses eso de"si sal mal, pago colos billetes del monopoli y llisto".

Meses piquiñuques de chigre, charra tranquila, un par de albariños y a pensar n'eso de, con la pinta la carta y los mantelos que nos ponen igual fallemos :-), pero la verdá que dábanos un poco igual. Quiciabes poles poques espectatives puestes no que nos diben trayer sorpredionos positivamente.

Entamemos con un pulpín a feira, que nun ye que tuviera vivu pa la semeya, ye que igual entre vermú y vermú la que se movía yera la máquina de retratar...bono, ¡la mio mano, pa que vos voi a engañar a estes altures!

Bona ración de pulpín xustu de aceite, de pimentón y sal nel so puntu y coción perfeuta. Ensin más, tan cenciello y tan dificil d'atopar. Prestonos.

Siguuieron unes zamburiñes a la plancha con sal y aceite y puntu. Bon tastu, perbones y bona ración. Al final taba prestándonos más de la cuenta y lo que yera un picoteo entamó a ser una xintá en condiciones finando con unos mexillones al vapor de gran tamañu, carnosinos y ricos. Tamién sofitaba qu'en vez de pedir una botella, seguíemos cola mente puesta nel "pica, pica" y venga venir copes de Conde de Albarei a abrir la fame :-)

Perdida la cuenta del vino (ente 4 y 6 copes), la xintá en plena zona de posibles "atracos" y añadiendo 1 café con xelu,  salió por 24,5€ por cabeza pagaos col Monopoly.

A estes altures de la vida alcontrar chigres en zones como esta, nada espectaculares, pero nos que nun sólo nun te la metan, sinon que fines con una bona sensación ye cosa raro. Asina que posteólu porque me prestó, el momento y el llugar y porque el blogue ye mio y faigo lo que quiero como Évole y el 23-F :-)

4 comentarios:

pululante dijo...

Chigres de esos ya quedan pocos. Son un tesoro.

Fartones dijo...

Tuvo bien, tuvo bien :-)

Unknown dijo...

Hombre, por un par de números más caíais en O 46. Eso sí que es un reducto, una tasca de otro tiempo. Y no se pica mal. El ambiente es un plus y el precio, de risa. Si caigo en esa calle, así esté llena de turistas, me refugio en él, que ahí entran pocos "foriatos" ;-)
Del "vuestro" sólo tengo la experiencia de beber algo sobre la marcha. No pinta mal pero no me metí más a fondo.

Fartones dijo...

Sí, sí, vilu, pero si vas ensin referencies tamién mires les meses pa xintar y nel O 46 nun había naide...vamos, que llamabame el chigre vieyunu, pero entrome la dulda. Tuviere que te mandar un whatsapp y entrugate!! que fallu!!!