sábado, 1 de noviembre de 2014

La Trastienda del Cuatro (Vigo - Galiza)


La Trastienda del Cuatro ye un chigre perafayaízu situáu na zona del puertu deportivu de Vigo. Llocal ambientáu en pla del XX, magar que nosotros cenemos na terracina que teníen abierta porque facía un calor esa nuechi, imortante.

Como vos digo, afauyaízu, tanto'l llocal como la terraza y una de les poques opciones pa cenar na ciudá en domingo nuechi (polo menos si'l llunes nun ye festivu) y amás tien tiques pa los interesaos.

Tres platos a compartir con diferente resultáu, el primeru el Sashimi de pexe mantega, salmón y atún, una ración abundante y rica cola compaña d'algues, xenxibre, guasabi y soya.

Eso sí, van tener que yos-esplicar que la comida xaponesa cortase en trocinos pequeños pa poder garrala colos palillos, los trozos yeren tan grandes que dempués d'intentalu col primeru decidimos partilos pela metá toos, lo que nun quita pa ser un entamu prometedor de cena.




El segundu foi la solombra de la nuechi, pulpu a la plancha con pataques. Mira que yo'l pulpu podría comelu crudu (creo) de lo que me presta, pues oyisti, comer comilu yo solu, pero taba mal preapráu de coyones, estiraba como'l chicle, duru, mal plancháu...nun creo que se pueda trata peor al bichu.


Pero, volvimos a terminar la nuechi con bon tastu de boca cola xata gallega en salsa de quesu d'Arzúa.Trocinos de xata pasadinos pela sartén con una salsina rica de quesu y unos granos de pimienta colorada, que podíen apartase ensin problemes si el picante nun te gusta. Prestosu



De compaña, un Albriño, La Val, que cumplió bien cola cena y'l calor de la nuechi. 2 cafetinos con xelu, dos cafetinos con xelu y 34€ por cabeza. Eso sí, nun sé si ye porque veníemos de Portugal, pero a mí Vigo, en xeneral, pareciome caro relación calidá/preciu. Anque salimos con bona sensación incluso con el pulpu de por medies.

3 comentarios:

Toni dijo...

Vigo de precios ta como aquí. En los 80 sí que yera más barato.

David Castañón dijo...

Viniendo de Portugal too ye caru XD

Fartones dijo...

Too, ye too David,,que sustos!! jaja