jueves, 22 de junio de 2017

Llagar de Quelo (Tiñana - Siero)

Al Llagar de Quelo ya lu conocíemos dende tiempos inmemoriales (tanto qu'enantes llamábase Fanjul) pero la verdá que sólo conocía parte. ¿Qué quiero dicir? pues que abrió siendo un sitiu d'espiches, xintaes o cenes pa grupos más bien mentantu prebabes la sidre, que ye lo que conocía, pero d'unos años para acá tamién tien sidrería (que ye lo que nun conocía).

De la parte de BBC tengo que dicir que les dos primeres vegaes (milenta d'años atrás) quedome bona sensación pero que la cabera visita (en Ñavidá) nun me dexó bon regustu. Lo curioso ye que dempués d'esa diernos por dir prebar la sidrería que ye lo que fiximos.

Ensin munches espectatives aparecimos perllí y lo primer que mos llamó l'atención ye la parte de fuera con mesines tipu merenderu pero nes que te sirven y que ta un poco escondíu tres del parque infantil. Eso dionos alguna pista pa futures visites con neños ensin saber cómo se resolvía'l tema de la cena.

La sidrería ye grande asgaya, pero nun ye un loft, asina que tien los sufiicentes espacios como para que seya afayaíza.

Tien de bono tamién que Quelo fai sidre brut y a nos que mos presta poder salir con "baxa graduación" ye siempre una compaña estupenda para una bona cena. La marca comercial ye Solaya, brut champanoise de segundu furmientu en botella, mui poca graduación (6,5º como una natural), tastu a muncha fruta pero fuerte de carbónicu. De les Brut que llevo probaes le que más nos presten son les champanoise, sedrá coincidencia o que'l métodu dexa-yos un tastu más natural. Para gustos, hai colores pero'l mio escalón de les brut (una gran idea) ye'l siguiente:

- Prau Monga (Viuda de Angelón- Champanoise)
- EM  (Gobernador -Champanoise)
- Riestra (Riestra - Champanoise)
- Solaya (Quelo - Champanoise)
- BVF (Gaitero - Champanoise)
- Poma Áurea (Trabanco- Gran Vas)
- Pomarina (Gaitero - Gran Vas)

Al casu, coño, que de prebes y esto nun sé munchu, que la sidre brut taba bona y la cena tamién :-)

De primeru unes alcachofes plancha con xamón pa rellambese. Cuando'l producto ye bono para qué complicase, plancha pura y dura. 10 medies alcachofes con tallu, perbones.

De segundu, too fue para compartir, pitu caleya con pataquinos. Para'l nuesu gustu taba perefeutu de cocina, y nada secu, bien xugosín, bien cocinau. Prestosu.


Les raciones xuste pa nun quedar con fame (nosotros que tampoco ye que comamos gran cosa), pero de bona calidá. Un café con xelu pa fina y 49 € de cuenta (12 € son de la sidre). Nun ye barato (paguemos con tiques) pero dexonos mui bona sensación. Volveremos.

4 comentarios:

David López Castañón dijo...

Coincido plenamente cola clasificación.
Fai cuantayá que nun voi a Quelo, habrá que volver, qu'amás nun sabía lo de los tickets!!

Fartones dijo...

Pues tienlos, tienlos y sorprendionos el sitiu y mira per onde vamos tener los mesmos gustos en sidre :-)

David López Castañón dijo...

De toles d'ehi, la única que nun probé fue La Solaya. Pero mira, ya hai escuda pa dir p'acullá.

Toni dijo...

Tienen buena pinta les pataques.